ഗാന്ധിയൻ

വിലയുള്ള നോട്ടിലെ തലയായി ഗാന്ധി

നോട്ടു നിരോധന കാലവും താണ്ടി
അക്കങ്ങളെക്കാൾ ഉത്തമനാകിലും
ഇക്കാര്യമോർക്കുവാൻ ആർക്കാണ് നേരം

ഉടുപ്പാനുണ്ടായിട്ടും വേണ്ടെന്ന് വച്ചതും
പാതിവയറായി ബദ്ധപ്പെട്ടതും
നാടൊന്ന് നന്നായി കണ്ടു മരിക്കാൻ
അർദ്ധനഗ്ന ഫക്കീറേരെ ആശിച്ചു

ത്യാഗവും സ്നേഹവും ഭാവിയുമൊക്കെ
ഗാന്ധിയിൽ തേടുവാനാകണം സോദരാ
നിന്റെ വിശപ്പ് കൊണ്ടപരനെ ഒരു നേരം
പോറ്റുവാൻ ആയെങ്കിൽ ഗാന്ധിയനായി!

© ബെൻസൻ കളീലുവിള  ✍️ ✍️